ഫൊക്കാന ട്രസ്റ്റി ബോർഡ് തിരഞ്ഞെടുപ്പ് പൂർത്തിയായി ജോസഫ് കുരിയാപുറം ചെയർമാൻ, എബ്രഹാം കളത്തിൽ വൈസ് ചെയർമാൻ, വർഗീസ് പാലായിൽ സെക്രട്ടറി.

ന്യൂയോർക്, 1983-ൽ ആരംഭിച്ച വടക്കേ അമേരിക്കയിലെ മലയാളികളുടെ അഭിമാന സംഘടനയായ ഫെഡറേഷൻ ഓഫ് കേരള അസ്സോസിയേഷൻ ഇൻ നോർത്ത് അമേരിക്ക (ഫൊക്കാന)യുടെ ട്രസ്റ്റി ബോർഡ് അംഗങ്ങളെയും ഭാരവാഹികളെയും തിരഞ്ഞെടുത്തു. ന്യൂയോർക്കിൽ നിന്നുള്ള ജോസഫ് കുരിയപ്പുറം ചെയർമാൻ, ഫ്ലോറിഡയിൽ നിന്നുള്ള എബ്രഹാം കളത്തിൽ വൈസ് ചെയർമാൻ , ചിക്കാഗോയിൽ നിന്നുള്ള വർഗീസ്‌ പാലമലയിൽ സെക്രെട്ടറി, ട്രസ്റ്റി ബോർഡ് അംഗങ്ങളായി ജേക്കബ് പടവത്തിൽ (ഫ്ലോറിഡ) ഡോ. കല ഷഹി (വാഷിംഗ്‌ടൺ ഡി.സി) സന്തോഷ് ഐപ്പ് (ഹ്യൂസ്റ്റൺ) അലക്‌സാണ്ടർ പൊടി മണ്ണിൽ

(ന്യൂയോർക്ക്) ഷിബു വെണ്മണി (ചിക്കാഗോ) എന്നിവരും. സണ്ണി മറ്റമന (ഫ്ലോറിഡ) എബ്രഹാം ഈപ്പൻ(ഹ്യൂസ്റ്റൺ) എന്നിവർ എക്സ് ഒഫീഷ്യോ അംഗങ്ങളായും പ്രവർത്തിക്കും

ഫൊക്കാനയുടെ സീനിയർ നേതാക്കൻമ്മാരിൽ ഉണ്ടായിരുന്ന ജോസഫ് കുരിയപ്പുറം 1988 മുതൽ സംഘടനയോടപ്പം പ്രവർത്തിക്കുന്നു. അമേരിക്കയിലെ പ്രമുഖ സംഘടനകാളയായ കേരള അസോസിയേഷൻ ഓഫ് ലോസ്എയ്ഞ്ചേഴ്‌സ്, ന്യൂയോർക്ക്, ഹഡ്സൺ, എന്നിവയുടെ അമരക്കാരനായി തിളങ്ങി. ഫൊക്കാനയുടെ വിവിധ ഭാരവാഹിത്വങ്ങളും വിവിധ സബ് കമ്മറ്റി കളുടെ ചുമതലകളും ഭംഗിയായി നിർവഹിച്ചു. ഫൊക്കാനയുടെ ചരിത്രത്തിലെ പല സുപ്രധാന തിരുമാനങ്ങളിൽ കുരിയപ്പുറത്തിലെ കൈയൊപ്പ്‌ പതിഞ്ഞിട്ടുണ്ട്. ദീർഘകാലം ബാങ്കുറ്റു ചെയർമാനായിരിക്കെ 2008 മുതൽ രജിസ്‌ട്രേഷൻ ഫീസിൽ ഭക്ഷണവും കൂടി ഉൾപ്പെടുത്തിയത് ഇന്നും തുടരുന്നു വരുന്നു. മൂന്ന് പ്രാവിശ്യം കോൺസ്റ്റിട്യൂഷൻ കമ്മറ്റി ചെയർ ആയിരുന്ന അദ്ദേഹം മുന്കയ്യെടുത്ത നിർമിത്വ നിയമങ്ങളിൽ സ്ത്രികൾക്കുള്ള 33% സംവരണം എടുത്തു പറയേണ്ടത് ആണ്. സംഘടനയിലെ വെക്തി കേന്ദ്രകൃത അഴിമതികൾക്കും ധൂർത്തിനുമെതിരെ നിരന്തരം പോരാടുന്ന വ്യക്തിത്തങ്ങളിലോരാളാണ്. കോക്കോകോളയിലും, പെപ്സിയിലും മുതിർന്ന ഉദ്യോഗസ്ഥനായിരുന്ന അദ്ദേഹം ന്യൂയോർക്കിൽ ടാക്സ് കൺസൾട്ടൻ്റ് ആയി പ്രവർത്തിക്കുന്നു.

വൈസ് ചെയർമാനായി തിരഞ്ഞെടുക്കപ്പെട്ട എബ്രഹാം കളത്തിൽ സംഘടനയുടെ മുൻ നാഷണൽ കമ്മറ്റി മെമ്പർ, റിജിയണൽ വൈസ് പ്രസിഡന്റ്, ട്രഷറാർ തുടങ്ങിയ നിലകളിൽ മികച്ച പ്രവർത്തനം കാഴ്ചവെച്ചയാളാണ്. സ്കൂൾ,കോളേജ്, വിദ്യാർത്ഥി യുവജന പ്രസ്ഥാനങ്ങളിലൂടെ മുഖ്യധാരയിലെത്തിയ കളത്തിൽ മികച്ച സംഘാടകനും വാഗ്‌ക്മീയും. കല സാംസ്‌കാരിക സംഘടനയായ "അല" യുടെ സ്ഥാപക നേതാവ്, മയാമി സംഘമിത്ര തിയറ്റേഴ്സ്റ്റിന്റെ മുഖ്യ നടൻ, ഫ്ലോറിഡ കൈരളി ആർട്സ് ക്ലബ്ബിന്റെ സെക്രട്ടറി, പ്രസിഡണ്ട്, സൗത്ത് ഫ്ലോറിഡയിലെ നവകേരള മലയാളി അസോസിയേഷൻ, പാം ബീച്ച് മലയാളി അസ്സോസിയേഷൻ എന്നി സംഘടനകളിലെ മുഖ്യ സംഘാടകനായും പ്രവർത്തിക്കുന്നു.

സെക്രട്ടറിയായി തിരഞ്ഞെടുക്കപ്പെട്ട വർഗീസ് പാലമലയിൽ സ്കൂൾ, കോളേജ് രാഷ്ട്രീയത്തിലൂടെ പ്രാഗൽഭ്യം തെളിയിച്ച വ്യക്തിയാണ് ഫൊക്കാനയുടെ നാഷണൽ കമ്മറ്റി മെമ്പർ, റീജിയണൽ വൈസ് പ്രസിഡൻറ്, അസ്സോസിയേറ്റ് ട്രഷറർ, ജനറൽ സെക്രട്ടറി, ഫൌണ്ടേഷൻ മെമ്പർ തുടങ്ങിയ ഒട്ടുമിക്ക പദവികളും വഹിച്ചിട്ടുണ്ട്. ചിക്കാഗോ മിഡ്‌വെസ്ററ് മലയാളി അസോസിയേഷൻ പ്രസിഡണ്ട്, സെക്രട്ടറി, ഓവർസീസ് കോൺഗ്രസിന്റെ ജനറൽ സെക്രട്ടറി, പ്രസിഡന്റ്, ഇന്ത്യ പ്രസ് ക്ലബ്ബിന്റെ സെക്രട്ടറി, മലങ്കര യാക്കോബായ സുറിയാനി സഭയുടെ ഭദ്രാസന കൗൺസിൽ അംഗം തുടങ്ങിയ വൈവിദ്ധ്യമാർന്ന മേഘലകളില് തിളങ്ങി നിൽക്കുന്ന വ്യക്തിത്വമാണ് ഐടി മേഖലയിൽ ഉദ്യോഗം വഹിക്കുന്നു.

മികച്ച കാലാകാരി, ഡോക്ടർ, സംഘാടക ബോർഡ് ഓഫ് ട്രസ്റ്റി മെമ്പറായ ഡോക്ടർ കലാ ഷഹിയ്ക്ക് വിശേഷങ്ങൾ ഏറെയാണ്. കഴിഞ്ഞ ടേമിലെ ജനറൽ സെക്രട്ടറി എന്ന നിലയിൽ വിഘടിച്ചു നിന്ന ഫൊക്കാന ഗ്രുപ്പുകളെ രമ്യപ്പെടുത്താൻ കലാ ഷഹി വഹിച്ച നിസ്തുല്യമായ സേവനങ്ങൾ ഫൊക്കാനയിൽ എന്നും ഓർക്കപെടും ഡോക്ടർ എന്ന നിലയിലുള്ള ജോലി തിരക്കിലും അങ്ങോളമിങ്ങോളം ഓടി നടന്നു സംഘടനാ പ്രവർത്തങ്ങളും അതോടപ്പം പാരമ്പര്യമായി പടർന്നു കിട്ടിയ കല വൈഭവങ്ങൾ നിർലോഭം സദസുകളിൽ അവതരിപ്പിക്കുന്നതിലും സ്റ്റേജ് ഷോകൾ കൊറിയോഗ്രാഫി ചെയ്യുന്നതിലും ആനന്ദം കണ്ടെത്തുന്ന ഡോക്ടർ കലക്ക് ഇത് പുതിയ നിയോഗം ആണ്.

റോച്ചസ്റ്റർ കൺവൻഷൻ തൊട്ട് ഫൊക്കാനയുടെ നേതൃത്വത്തിലുള്ള സീനിയർ നേതാക്കളിലൊരളാണ് ജേക്കബ് പടവത്തിൽ. ഫ്ലോറിഡയിലെ കൈരളി ആർട്സ് സാരഥി തൊട്ടു, ഫൊക്കാന ഇന്റർനാഷണൽ കമ്മറ്റി മെമ്പർ റീജിയണൽ വൈസ് പ്രസിഡന്റ പ്രസിഡന്റ്, ചീഫ് ഇലക്ഷൻ കമ്മീഷണർ, കോൻസ്റ്ററ്റൂഷൻ കമ്മറ്റി ചെയർഎം ഫൌണ്ടേഷൻ ചെയർ, തുടങ്ങിയ വിവിധ നിലകളിൽ പ്രാഗൽഭ്യം തെളിയിച്ച വ്യക്തിത്വ മാണ് ശ്രീ പടവത്തിൻ്റെ തു. ആരോഗ്യ രംഗത്ത് ജോലിചെയ്യുന്നതിനോടപ്പം ഇന്ത്യൻ ഓവർസീസ് കോൺഗ്രസിൻ്റെ നാഷണൽ വൈസ് പ്രസിഡന്റ്‌ സ്ഥാനവും സൗത്ത് ഫ്ലോറിഡയിലെ, ഫ്ലോറിഡ മലയാളി അസോസിയേഷൻ്റെ പ്രസിഡന്റ് സ്ഥാനവും വഹിക്കുന്നു.

ഫൊക്കാനയുടെ നാഷണൽ കമ്മറ്റി മെമ്പർ, അസോസിയേറ്റു സെക്രട്ടറി എന്നി നിലകളിൽ പ്രവർത്തി പരിചയമുള്ള അലക്‌സാണ്ടർ പൊടിമണ്ണിൽ ന്യൂയോർക് ഹഡ്സൺവാലി മലയാളി അസോസിയേഷന്റെ സെക്രട്ടറി, പ്രസിഡന്റ് എന്നി നിലകളിലും, അസോസിയേഷന്റെ പ്രശക്തമായ മലയാളം സ്കൂൾ നടത്തിപ്പിന്റെ മുഖ്യ സംഘടകനായും നിരവധി വർഷങ്ങൾ പ്രവർത്തിച്ചു. ന്യൂയോർക്കിലെ മികച്ച ബിസ്നസുകാരുകളിൽ ഒരാളായ അദ്ദേഹം ഇൻഷുറൻസ് രംഗത്ത് പ്രവർത്തിക്കുന്നു

ഷിബു വെണ്മണി, ഫൊക്കാനയുടെ നാഷണൽ കമ്മറ്റിമെമ്പർ ജോയിന്റ് സെക്രട്ടറി, മിഡ്‌വെസ്ററ് മലയാളി അസോസിയേഷൻ സെക്രട്ടറി, പ്രസിഡന്റ്, ഫൊക്കാന ഐ.ടി സെൽ അംഗം തുടങ്ങിയ വിവിധ നിലകളിൽ ശോഭിച്ചയാളാണ്. ചിക്കാഗോ കേരളാ അസോസിയേഷന്റെ കമ്മറ്റി അംഗം കൂടിയായ ഷിബു പ്രമുഖ ഫാർമസ്യൂട്ടിക്കൽ സ്ഥാപനത്തിൽ റിസേർച് സൈൻറ്റിസ്റ്റ് ആയി ജോലി ചെയ്യുന്നു. കോമേഴ്‌സ് മേഖലയിൽ തന്റേതായ ബ്രാൻഡുമായി വ്യാപാര രംഗത്തും ചിക്കാഗോയിലെ എക്ക്യുമെനിക്കൽ കൗൺസിൽ ഭാരവാഹിയായും പ്രവർത്തിക്കുന്നു.

സന്തോഷ് ഐപ്പ്, ഫൊക്കാനയിലെ ടെക്സസ് റീജിയൺ വൈസ് പ്രിസഡന്റ്, നാഷണൽ കമ്മറ്റി മെമ്പർ, പെയർ ലാൻഡ് മലയാളി അസോസിയേഷൻ പ്രസിഡന്റ് തുടങ്ങിയ നിലകളിൽ മികച്ച പ്രകടനം കാഴ്ച വെച്ചയാളാണ്. ദീർഘകാലം ഡൽഹി പോലീസ്, ഇൻഡോ ടിബറ്റ് ബോർഡർ പോലീസ് എന്നിവയിൽ സേവനമനുഷ്ഠിച്ചു. ഹൂസ്റ്റണിൽ ആരോഗ്യ മേഖലയിൽ ജോലി ചെയ്യുന്നതിനൊപ്പം റിയൽ എസ്റ്റേറ്റ് ബിസിനസ് രംഗത്തും പ്രവർത്തിക്കുന്നു

ഫൊക്കാന ട്രസ്റ്റി ബോർഡിന്റെ നിയമനത്തെ, ഫൊക്കാന പ്രസിഡന്റ് സണ്ണി മറ്റമന, ജനറൽ സെക്രട്ടറി എബ്രഹാം ഈപ്പൻ, ട്രഷറർ സണ്ണി ജോസഫ്, എക്സിക്യൂട്ടീവ് കമ്മറ്റി, നാഷണൽ കമ്മറ്റി അംഗങ്ങൾ, തുടങ്ങിയവർ അനുമോദിച്ചു. 1983 - ൽ ആരംഭിച്ച യഥാർത്ഥ ഫൊക്കാന അമേരിക്കൻ മലയാളികളിടെ അഭിലാഷത്തിനൊത്ത് പ്രവർത്തിക്കുമെന്ന് പുതിയ ചെയർമാൻ ജോസഫ് കുരിയപ്പുറം അഭിപ്രായപ്പെട്ടു. സ്വന്തമായി ഭരണഘടനയോ, ഭാരവാഹികളോ ഇല്ലാത്ത അപാര സംഘടനയുടെ പേരിൽ മലയാളികൾ വഞ്ചിതരാകരുതെന്നു ചെയർമാൻ മുന്നറിപ്പ് നൽകി. 2024 ൽ പൂർത്തിയാക്കിയ, ജനറൽ കൗൺസിൽ മീറ്റിംങ്ങും യഥാർത്ഥ ഫൊക്കാന ഭാരവാഹികളുടെ തിരഞ്ഞെടുപ്പും എത്രയും വേഗം നടത്താൻ വേണ്ട നടപടികൾ സ്വീകരിക്കുമെന്നു ചെയർമാൻ ഉറപ്പു നൽകി.